تبریزیم آنادیر بیز اونا بالا
قویماریخ آنامیز بالاسیز قالا
آند اولسون بابکین دوشن قولونا
گله جک بیزیم دیر وئرین قول قولا
***********
قاییدین دورنالار قاییدین بوردان
داغلارین باشینی پیتیراق الیب
قاییدین دورنالار قاییدین بوردان
شنلیک لر یوردونا غم کولگه سالیب
قاییدین دورنالار قاییدین بوردان
بورداکی دورنالار سوسوب دانیشمیر
دورنا وار دورنایا یانیب الیشمیر
دورنا وار ساتغین دی بیزه قاریشمیر
قاییدین دورنالار قاییدین بوردان
بولاغلار قورویوب حسرتدی سووا
چالیلار کول با کول باغلاییب جووا
نه بیزه حایات وار نه سیزه یووا
قاییدین دورنالار قاییدین بوردان
چالاغان چالیبدی شن بولبوللری
کیم سنه اوخومور بیزیم دیللری
شاختالار سولدورور اچان گوللری
قاییدین دورنالار قاییدین بوردان
داغلاردا دورنالار شاختادان دونور
دورنالار یوردونا قیجیرلر قونور
بورداکی قاریلتی بئینیمی یونور
قاییدین دورنالار قاییدین بوردان
دومانلار چولغاییب اوجا یایلاغی
سپیلیب داغلارا نیفرت پایلاغی
یایلاغلار اولوب دور قوزغون اویلاغی
قاییدین دورنالار قاییدین بوردان
قورخورام دوماندا ازاسیز یولو
گورمییه گوزلریز ساغ ایله سولو
قارشیزا چیخا بیر میندارچا کولو
قاییدین دورنالار قاییدین بوردان
کیم دوشور قاباغا چالاغان چالیر
بوغجالیر, بودارلیر, نفسین الیر
دورنالار صف باغلیر سورگونده قالیر
قاییدین دورنالار قاییدین بوردان